ވެލާނާ އިންޓަނޭޝަނަލް އެއާޕޯޓް (ވީއައިއޭ) ގައި ޓޯ-ބަލެސް ވެހިކަލްގެ ހިދުމަތް ފެށުމަށް ތައްޔާރުވެއްޖެ އެވެ.
ޓޯ-ބަލެސް ވެހިކަލްއަކީ އެއާޕޯޓްގެ އޭޕްރަން އިން ރަންވޭއަށް ފްލައިޓް ގެންދަން ބޭނުންކުރާ ވެހިކަލް އެކެވެ.
ވީއައިއޭ ހިންގާ މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން ބުނީ އިންޑަސްޓްރީ-ސްޓޭންޑަޑްގެ ޓޯ-ބަލެސް ވެހިކަލް ބޭނުންކުރަން ފަށަން ތައްޔާރުވެފައިވާ ކަމަށެވެ.
މި ވެހިކަލް އޮޕަރޭޓްކުރާނެ 8 މުވައްޒަފުން ތަމްރީނުކޮށް ފައިނަލް ރިސްކް އެސެސްމަންޓަށް ތައްޔާރުވެފައިވާ ކަމަށްވެސް އެމްއޭސީއެލް އިން ބުނެފައިވެ އެވެ.
ޓޯ-ބަލެސް ވެހިކަލް ބޭނުންކުރަން ފެށުުން އޮޕަރޭޝަން އެފިޝިއަންސީ 60 ޕަސެންޓް އިތުރުވާނެ ކަމަށް އެމްއޭސީއެލް އިން ވަނީ ބުނެފަ އެވެ. އަދި މިހާރު ބޭނުންކުރާ މިފަދަ ވެހިކަލްތަކާ ހިލާފަށް އަލަށް ބޭނުންކުރާ ޓީޕީއެކްސް-200އެމްޓީއެކްސް މޮޑެލްގެ ވެހިކަލްގައި ޑްރައިވަރަށް ވަށައިގެންވާ މާހައުލު ސާފުކޮށް ފެންނާނެ އެވެ.
މީގެ އިތުރުން މިއީ ކޯޑް "ސީ" ގެ މަތިންދާ ބޯޓުން ފެށިގެން ކޯޑް "އީ" ގެ ހުރިހާ މަތިންދާބޯޓުތަކަށްވެސް ހިދުމަތް ދެވޭނެ ވެހިކަލްއެކެވެ.
