ތިން މާއްދާ އިން ފާސްވެފައިވާ ނަމަ އޭލެވެލަށް ކިޔަވަން ސަރުކާރު ސްކޫލުތަކުން ޖާގަ ދޭގޮތަށް ކީ ސްޓޭޖް 5ގައި ހިމެނޭ ގުރޭޑް 11 އަދި 12ގެ ދަރިވަރުން ސްލޫލްތަކަށް ވެއްދުމުގެ އުޞޫލަށް ބަދަލު ގެނެސްފިއެވެ. އޭލެވެލަށް ކިޔެވުމަށް ފުރުސަތު ދެނީ ކުރީ ދެ އަހަރު ނަތީޖާ އަށް ބަލައިގެން ކަމަށާއި ފުރުސަތު ދޭނީ މި އަހަރުގެ ޑިސެމްބަރު 31 އަށް އުމުރުން 18 އަހަރު ނުފުރޭ ދަރިވަރުންނަށެވެ.
އެ ސާކިއުލަރގައި ވާގޮތުން، ގުރޭޑް 11 އަށް ވަނުމަށް ހުށަހަޅާފައިވާ ހުރިހާ ދަރިވަރުންނަށް ސްކޫލުން ޖާގަ ދެވެން ނެތްނަމަ، ސްކޫލުގައި ޖާގަ އޮތް މިންވަރަށް ބަލައި، ހުށާހަޅާފައިވާ ދަރިވަރުންގެ ތެރެއިން ނަތީޖާ އެންމެ ރަނގަޅު ދަރިވަރުންނަށް ފުރުޞަތު ދޭނެއެވެ.
މިކަމާ ގުޅޭގޮތުން އެޑިޔުކޭޝަން މިނިސްޓްރީން މިއަދު ސަރުކާރު ސްކޫލްތަކަށް ފޮނުވި ސާކިއުލަރގައި އެކަޑިމިކް ސްޓްރީމް ތަކަށް ވަނުމުގެ ޝަރުޠުތައް ކަމަށް ބުނެފައި ވަނީ،
- އެސްއެސްސީ އިމްތިޙާނުގެ ދިވެހި ނުވަތަ އިސްލާމިކް ސްޓަޑީޒް އިން ދަށްވެގެން ސީ ފާސް ލިބިފައިވުމާއެކު އައިޖީސީއެސްސީ ޖީސީއީ އޯލެވެލް އިމްތިޙާނުން ކޮންމެވެސް އެއް ސްޓްރީމަކުން (ސައިންސް، ބިޒްނަސް ނުވަތަ އާރޓްސްއިން) މަދުވެގެން ދެ މާއްދާއިން ދަށްވެގެން ސީ ފާސް ލިބިފައިވުމާއެކު އިތުރު އެއް މާއްދާއިން ދަށްވެގެން ސީ ފާސް ލިބިފައިވުން.
- އޯލެވެލް އިމްތިހާނުގައި ތިން މާއްދާ އިން ދަށްވެގެން ސީ ފާހެއް ލިބިފައިވުން.
- އިންޑިވިޖުއަލް އެޑިއުކޭޝަން ޕްލޭނެއްގެ ދަށުން (އައިއީޕީ) އިމްތިހާނު ހަދާ ދަރިވަރުން ނިންމާ އިމްތިހާނުގައި ބައިވެރިވި މާއްދާތަކުގެ ތެރެއިން ދެ މާއްދާ އިން ދަށްވެގެން ސީ ފާހެއް ލިބިފައިވުން.
- ކުދިން ކިޔަވަން ބޭނުންވާ މާއްދާ ނުވަތަ މާއްދާތަކުން ސާނަވީ ނިންމައި އިމްތިހާނަކުން ދަށްވެގެން ސީ ފާހެއް ލިބިފައިވާނަމަ އެ ދަރިވަރަކަށް ފުރުޞަތު ދިނުން.
ބީޓެކަށް ސްޓްރީމްގައި ކިޔެވުމުގެ ޝަރުޠު:
- ޕިއާސަން ބީޓެކް އިންޓަނޭޝަނަލް ލެވެލް 3 ޑިޕްލޮމާ ކޯހުން ދަށްވެގެން “PASS” ލިބިފައިވުން.
- އޯލެވެލް އިމްތިހާނުގެ ކޮންމެވެސް ހަތަރު މާއްދާއަކުން (ކޯހާ ގުޅޭ 2 މާއްދާ ހިމެނޭ ގޮތަށް) ދަށްވެގެން ސީ ފާހެއް ލިބިފައިވުން.
