ގދ. ނަޑެއްލާއަށް ދިޔަ މީހަކު ގެއްލިގެން ހޯދަމުން ދަނިކޮށް ފަޅު ރަށަކުން އެމީހާ ފެނިއްޖެ އެވެ.
ގެއްލިގެން ހޯދީ ހދ. ނޮޅިވަރަން ސުހާނީ، އާދަމް އިބްރާހިމް (34 އ) އެވެ.
އާދަމް ގެއްލިގެން ހޯދަން ފެށީ އިއްޔެ މެންދުރު 2:00 ހާއިރު އެ ރަށު ބަނދަރަށް ކައިރިކުރި "އިތުބާރު" ނަމަކަށް ކިޔާ ދޯނިން ނަޑެއްލާއަށް ފޭބުމަށްފަހު އެނބުރި ދޯންޏަށް އައިސްފައި ނުވާތީއާއި އޭނާގެ އެއްވެސް ހަބަރެއް ނުވެގެންނެވެ.
ފުލުހުން ބުނީ މިއަދު ހަވީރު 4:45 ހާއިރު އާދަމް ފެނިފައިވާ ކަމަށާއި ހާލުވެސް ރަނގަޅު ކަމަށެވެ.
އާދަމް ފެނިފައިވަނީ ނަޑެއްލާ ކައިރި އޮންނަ ފަޅު ރަށަކުން ކަމަށްވެސް ފުލުހުން ބުންޏެވެ.
އާދަމް ފަޅު ރަށަށް ދިޔައީ ކޮން ބޭނުމެއް އަދި ކިހިނެއް ކަމެއް ފުލުހުން ނުބުނެ އެވެ.
