ކުވެއިތުގެ ތެޔޮ ޓޭންކަރަކަށް ދިން ހަމަލާއާ ގުޅިގެން ލިބުނު ގެއްލުންތައް ބަލަމުންދާ ކަމަށް ދުބާއީގެ ކަމާބެހޭ ފަރާތްތަކުން ބުނެފި އެވެ.
ކުވެއިތު ޕެޓްރޯލިއަމް ކޮމްޕެނީން ހާމަކުރި ގޮތުގައި "އަލް ސަލްމީ" ނަމަކަށް ކިޔާ މި ޓޭންކަރަކީ ދެ ބިލިއަން ފީފާގެ ތެޔޮ އުފުލޭ ވަރުގެ ބޮޑު އުޅަނދެކެވެ.
މި އުޅަނދުން ތެޔޮ ބޭރުވެއްޖެ ނަމަ، ތިމާވެއްޓަށް ބޮޑު ގެއްލުމެއް ލިބުމުގެ ބިރު އެބައޮތް ކަމަށްވެސް ބުނެފައިވެ އެވެ.
މެދުއިރުމަތީގައި ހިނގަމުންދާ ހަނގުރާމައިގައި ވޭތުވެދިޔަ މަދު ގަޑިއިރުތަކުގެ ތެރޭގައި ގަލްފްގެ އެކި ހިސާބުތަކަށް ގިނަ ހަމަލާތަކެއް ދީފައިވެ އެވެ.
އެ ގޮތުން ސައުދީ އަރަބިއްޔާއިން ބުނީ އެ ގައުމަށް އަމާޒުވި ބެލިސްޓިކް އަށް މިސައިލެއް ހުއްޓުވި ކަމަށެވެ ނަމަވެސް މި ހަމަލާތައް ހުއްޓުވުމުގެ ތެރޭގައި ހަ ގެއަކަށް ގެއްލުން ލިބުނު ކަމަށް ބުނެފައިވެ އެވެ.
ޔޫއޭއީގެ ދުބާއީއަށް ދިން ހަމަލާތަކެއްގައި ހަތަރު މީހަކަށް އަނިޔާވެފައިވާއިރު ގަތަރާއި ބަހްރެއިން އަދި ކުވެއިތަށް ހަމަލާތަކެއް އަމާޒުވި އެވެ.
