ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ)ގެ ޗެއާމަނަކަށް އަނެއްކާވެސް މުހައްމަދު ޝަމީ އާދަމް އައްޔަންކޮށްފި އެވެ.
އާރްޑީސީގެ ޗެއާމަންގެ މަގާމަށް ދެވަނަ ފަހަރަށް ޝަމީ އައްޔަންކޮށްފައިވާ ކަމަށް އެ ކުންފުނިންވެސް ޔަގީންކޮށްދީފައިވެ އެވެ.
މީގެކުރިން މިދިޔަ އަހަރުގެ ޖެނުއަރީ މަހުން ފެށިގެން މި އަހަރުގެ އެޕްރީލްއާ ހަމައަށްވެސް ޝަމީ ވަނީ އާރްޑީސީގެ ޗެއާމަންގެ މަގާމު ފުރުއްވާފަ އެވެ.
އަމިއްލަ ކުންފުންޏެއް ކަމަށްވާ ސްޓެލިއަން މޯލްޑިވްސް ގުރޫޕްގެ ޗެއާމަންގެ ގޮތުގައިވެސް ހުންނެވި ޝަމީ އަލުން އާރްޑީސީއަށް ބަދަލުކުރެއްވިއިރު މިދިޔަ މަހުގެ ތެރޭގައި ވަނީ އެ ކުންފުނީގެ މެނޭޖިން ޑިރެކްޓަރުގެ މަގާމަށް އިބްރާހީމް ނަޒީމުވެސް އައްޔަންކުރައްވާފަ އެވެ.
