ދުނިޔޭގެ ބާޒާރުގައި ތެލުގެ އަގު މައްޗަށް ހިނގައްޖެ އެވެ.
ދުނިޔޭގެ ވިޔަފާރީގެ ޚަބަރުތައް ގެނެސްދޭ ނިއުސް އެޖެންސީތަކުން ރިޕޯޓް ކުރާ ގޮތުގައި މިއަދު ސާފު ނުކުރާ ތެޔި ފީފާއެއްގެ އަގު ވަނީ 97.07 ޑޮލަރަށް މައްޗަށް ޖެހިފައެވެ. މިއީ ފީފާއަކުން 79 ސެންޓު ނުވަތަ 0.82 ޕަސަންޓުގެ އިތުރުވުމެކެވެ.
ދުނިޔޭގެ ބާޒާރުގައި ތެލުގެ އަގަށް ބަދަލު އަންނަމުން މިދަނީ އެމެރިކާއާއި އިރާންގެ ހަނގުރާމަ އަނެއްކާވެސް ހޫނުވެ ދެ ގައުމުގެ ހަމަލާތައް ވަރުގަދަކުރަމުންދާ ވަގުތެއްގައެވެ.
އެމެރިކާ އިރާން ހަނގުރާމައިގެ ސަބަބުން ގައުމުތަކަށް ތެޔޮ ލިބުން ދަތިވެ، އެތައް ގައުމެއްގެ އިގްތިސާދަށް ބޮޑު ހީނަރުކަމެއް ވަނީ ކުރިމަތިވެފަ އެވެ.
